兩個男人聚首，話題通常離不開車、錢、女人，但日前當陶喆遇上鄭中基，竟然話要玩煮飯仔! 其實是《東張西望》為陶喆搞了一個《David Tao’s music kitchen》，令兩個唱得之人暫時唔鬥歌藝，鬥廚藝。陶喆和Ronald現在同屬一間唱片公司，但其實他們早在LA居住時已經認識，當年Ronald 加入樂壇出第一張唱片，陶喆亦有寫歌給他，講起音樂，興之所致，當日大家仲即場來個unplugged合唱，十分精彩。
其實Ronald唔單止淨係識唱歌和搞笑，餘閒時他都鍾意煮番幾味，當年拍攝《我要做model》在豪宅拍攝時，就即席炆過一煲美味既牛腩給工作人員吃過，大家都讚口不絕。原來他對蒸魚亦都有一手，拍攝《東張西望》當日他自己洗配料，連蔥都洗得乾乾淨淨，蒸魚時還一邊蒸一邊講笑，表現十分輕鬆，果然利害。最後他還在自我推介時間內表示 : 呢碟菜連學友都食過，就知厲害啦!歌神食完都無事，仲唱得咁好，所以我懷疑過呢味餸係養聲靈藥。
而陶喆原來唔單止做音樂時投入，原來連切食物都係十分專心一致，就算Ronald和李浩林在旁邊傾偈，佢都一於好少理。他對整沙律都十分之有研究，他教大家落多些橄欖油，盆沙律好味些之餘，食落對腸胃亦好好添。原來陶吉吉經常都會自己在家整沙律，可能慣了自己整，自己食，所以起初他都不以為然地用手撈勻材料，點知被Ronald和李浩林話佢唔衛生，於是佢改用獨門武器幫手，西芹撈沙律。而他在自我推介時間都表示 : 雖然睇落做法好似好簡單，但其實都花了唔少心思，現代人一定要食得健康，我做沙律既材料樣樣都健康，岩晒所有人食。
兩個廚神互相試食比較當然唔公平，所以專登找了一個和他們一樣在外國長大的李浩林做評判，不過結果係點，就要留意《東張西望》了，而且仲有好多他們煮時的蝦碌場面出現，十分好笑。
http://www.gold-label.com.hk/news_details.php?lang=chi&id=49
