阿梅怒罵雜誌是八婆
2003/11/10
(星島日報報道)
梅艷芳自公布自己患有子宮頸癌後，有關她的報道可謂層出不窮，昨晚阿梅在第4場個唱中，終於按捺不住狂斥部分傳媒，還大罵雜誌是「八婆」，呼籲歌迷不要再買八卦雜誌。
昨晚是梅艷芳第4場個唱，愈戰愈勇的阿梅除了表現愈來愈勁外，還反擊連月來傳媒對她病情的報道。阿梅唱罷第一首歌後，向觀眾說﹕「呢次演唱會前有好多風風雨雨，大家唔使買雜誌，正八婆﹗成日都估我開唔到騷，又話有白車在場，好似唔抵得我唔死咁﹗我今日咪又係企度﹖足以證明有信心就得﹗」
阿梅又勸喻歌迷不要再購買八卦雜誌，以防禍延下一代，她說﹕「香港文化水平真係好低，我活30幾年，(阿梅今年40歲)，都唔識有個中文字叫『女』，大家一定要改變呢個歪風﹗」另外，嘉賓之一的梁詠琪竟當眾踢爆阿梅原來正發燒，她說﹕「阿梅今日發燒都度表演，真係精神可嘉，好值得後輩學習﹗」
而前晚阿梅穿上一襲黃色和服服裝的新歌衫示人，十分搶眼，而嘉賓則包括陶喆、陳奕迅和梁漢文。在眾嘉賓中以陶喆最為受歡迎，阿梅介紹他出場時說﹕「呢個人我好鍾意﹗」台下歌迷誤以為是劉德華並立即大叫「華仔」，阿梅見歌迷「表錯情」便說﹕「唔好成日講華仔啦﹗佢係我好朋友咋﹗」阿梅大讚陶喆的音樂十分吸引，每次聽對方歌曲都有「暈低」感覺，兩人亦即場合唱《沙灘》。
繼頭兩晚有歌迷爭娶阿梅，前晚亦有女歌迷表示要陪阿梅「唔嫁」，阿梅笑言﹕「成萬人陪我唔嫁﹖都幾開心喎﹗」期間有歌迷大讚阿梅穿婚紗很美麗，十足「白雪公主」般，阿梅自嘲說﹕「可惜我未搵到白馬王子呢﹗我都係要『楔灶罅』﹗」另外，阿梅唱到好友陳百強的《深愛你》時不禁落淚。
