艷版欣宜轟動書展
7月 22日 星期四 03:30 更新
(綜合報道)
(星島日報報道)一年一度的書展昨日舉行，多位有份推出新書的圈中人，昨日分別到會場為作品造勢。其中「人氣減肥偶像」鄭欣宜反應最熱烈，雖然仍有市民嫌欣宜「仲係好肥」，但亦無損她的自信心，穿上吊帶背心的她大談減肥心得。而英皇金牌經理人霍紋希和商台DJ森美小儀亦深得書迷歡迎，攤位都吸引不少人排隊索取簽名，其中Mani更獲得旗下歌手Boy'Z(新聞 - 網站 - 圖片)和I love you BoyZ撐場。而官恩娜新書的攤檔則略為冷清，只得七位歌迷排隊輪候索名。
鄭欣宜成功瘦身，成為全城的熱門話題，昨日穿上小背心的她由肥姐陪同下出現書展，為其作品《我的減肥日記》造勢。
雖然欣宜並沒有舉行簽名會，只改為記者會，但仍吸引過百市民圍觀，令現場擠至水泄不通。在人群中，不少市民對欣宜的身材評頭品足，有部分大讚她靚過肥姐，但又有部分指欣宜「仲係好肥」，甚至指她的皮膚好殘，不如想像中般漂亮﹗
記者會上，問到欣宜為何決心減肥﹖她謂﹕「以前人愈叫我減我就愈唔減，但係有一日有人話我一定減唔到，所以我先的起心肝，打畀媽咪話要減肥。我最高峰時係二百二十六磅，上樓梯都喘氣，同埋永遠唔知咩叫凍。」
問到減肥歷程中，最辛苦是甚麼﹖欣宜謂﹕「最難捱就係見到想食冇得食，同埋食好少。」肥姐聽罷亦坦言一直很想欣宜減肥，現在欣宜減肥成功，亦很開心，更希望藉此帶給年輕人一個訊息，就是有決心甚麼都可以成功。
減肥成功後的欣宜，經常被指惹來狂蜂浪蝶，問到欣宜想不想拍拖﹖她直言﹕「十七歲女仔想拍拖好正常，對象靚唔靚仔冇問題，最緊要心地好同錫我，靚仔只係Bouns（花紅）﹗」問到會否加入娛樂圈﹖欣宜則直言對於記者的追訪感到害怕，故讀完大學才會考慮，她謂﹕「經常畀記者跟都好大壓力，不過都要多謝記者，因為佢令我成功達到目標。我亦都要多謝媽咪、嗲、
陶喆同張玉珊。」
對於減肥成功，欣宜表示令她重拾自信，心情都變得很好﹕「同朋友傾偈，佢都話我自信心比以前大好多﹗」
